المقادير
200غ الشكلاط الأسود
200غ جبن أبيض
100غ كاوكاو محمر و مهروش
100 فرميسيل الشكلاط
هنا استعملت نصف المقادير
للتزيين:
عجينة اللوز
ملون أخضر بنكهة البيسطاش
بودرةالملمع الغدائي brillant alimentaire
الطريقة
ندوبو الشكلاط فحمام مريم
و نزيد كاوكاو مهروش و نخلط
كنحصل على هاد الخليط نغطيه ببلاستيك غدائي و ندخلو للثلاجة لمدة 1 ساعة
ندهن يديا بالزيت ونعمل من الخليط كويرات صغار ندوزهم فالفرميسيل
نعملهم فالكويغطات
التزينللتزيين استعملت عجينة اللوزعلى شكل وريدات و فراشات
أول حاجة كنطلق العجينة د اللوز فوق بلاستيكة و إلا كانت تلصق نرش شوية السكر كلاصي
بالفرشاة كندهنها ببودرة الملمع الغدائي brillant alimentaire هنا استعملت الفضي
نقطعها بمرشم الفراشة الصغير
نحضر ورقة على شكل مروحة
نحط الفراشات اللي حضرنا من عجينة اللوز بالطريقة اللي باينة فالصورة و نخليهم حتى يبسو مزيان هكدا غنحصلو على فراشات فوضعية الطيران
هاد العملية ممكن تديريها يومين أو 3 أيام من قبل
نزين بالفراشات و الورود اللي حضرتهم بنفس العجينة و إن شاء الله نصور ليكم الطريقة مرة أخرى
أما الأوراق لونت جزء من عجينة اللوز بملون بنكهة البيشطاش و قطعتها بمرشم الورق الصغير
و هدا الشكل النهائي
اللهم أدمها نعمة و بارك لنا فيها و احفظها من الوزال
النصيحة
ممكن تستعملي أي نوع من الجبن الأبيض أنا استعملت جبلي هو اللي موجود و الثمن ديالو في متناول الجميع وجا لديد
هنا استعملت الكاوكاو ممكن تعوضيه باللوز إلا كنتي غتحضري هاد الحلوى للمناسبات
من الأحسن تحتفضي بهاد الحلوة فالثلاجة
ليست هناك تعليقات:
إرسال تعليق