كيكة البرتقال المحشوة

مقاديرالكيكة :
- 3 بيضات
-كاس عنبة سنيدة
- كاس عنبة زيت
- كاس عنبة عصير البرتقال طبيعي
- قشرة برتقالة محكوكة
- 3 كؤوس عنبة دقيق الفورص مغربل 2 مرات
- 2 خمارات حمرين
كنخلطو المقادير بالترتيب التالي البيض + سنيدة ثم الزيت ثم عصير البرتقال وقشرة البرتقال ثم الطحين و الخمارات. كنديرو الخليط في مول مذهون بالزبدة ومرشوش بالطحين وندخلوها تطيب في فرن مسخن مسبقا نشعلو عليها من التحت حتى تطيب عاد نشعلو من الفوق الا كانت مازال ماطابتش من الفوق.
منين تطيب نديروها فوق شي شبكة ونخليوها تبرد شوية.


هادي الكيكة ديالنا منين طابت



كنديوها في الطبق اللي غادي نقدموها فيه و كنخويوها من الوسط فحال هاد الشكل



ندوزو دابا للحشوة:
- 2 فلان بنكهة البرتقال + 2 أو 3 معالق كبار سكر على حسب الذوق
- نصف لتر حليب
- 200 غرام قشدة طرية, ممكن نعوضوها ب 2 دانون طبيعي
- نصف كمية قلب الكيكة اللي زولنا



كنديرونصف قلب الكيكة في الكاس ديال المولينيكس
كنصاوبو الفلان بالطريقة المعتادة وكنخويوه مباشرة على قلب الكيكة ونطحنو مزيان ثم نضيف القشدة الطرية ونعاودو نطحنو ثم نخويوالخليط في الكيكة ديالنا



الكيكة اللي بقات لينا مع الحشوة اللي غادي تشيط كنعجنوهم مع بعضهم وكنشكلوهم على شكل كويرات ونفندوهم في الكوك ونخليوهم جانبا للتزيين



كنخليو الكيكة تبرد واحد ربع ساعة ثم ندوزو للتزيين اللي غادي نحتاجو ليه:
- 1 دانيت شكلاط
- درهم شكلاط أسود

كنذوبو الشكلاط مع شوية ديال الزيت أو في حمام مريم كنحيدوه من فوق النار وكنضيفو عليه دانيت ونخلطو جيدا, كندهنو الكيكة ديالنا بهاد الخليط وكنزينوها بالكويرات اللي وجدنا قبل. وهاهي الكيكة ديالنا منين وجدات



كنخليوها تبرد مزياااان واحد ساعتين في الثلاجة وبالصحة والراحة