طورطة خروف

المقادير كنحتاجو :
كريم شونتي بنكهة الفاني / والشكلاط
باكية صغيرة ديال كريم باتسير بالشكلاط ونص لتر حليب لتحضيره 
شوية الزبدة
قطع من الشكلاطة
سيرو للسقي أو كانيت مونادة هاواي
معلقة كبيرة ديال نيدو
2 ملاعق كبار كاكاو 


نبداو على بركة الله بعجين الجنواز 
 لتحضير الجنواز  في هاد الرابط

http://omismael.blogspot.com/2013/12/blog-post_27.html


غير هو هاد المرة عملت الجنواز بالشكلاط وذلك بأني زولت جوج معالق كبار ديال الدقيق وعوضتهم بجوج معالق كبار ديال كاكاو



بعدما طاب الجنواز قسمتو على ثلاثة





خديت الطبقة لي غادي تكون لتحت سقيتها مزيان بلمونادة ( هاواي ) نتوما تقدرو تسقويها بأي سيرو كترتاحو ليه

من بعد حضرت الكريم باتسير بالشكلاط لي مبين عندكم في هاد الصورة وقمت بفرده على الطبقة الأولى






من بعد دزت الطبقة الثانية وسقتيها كذلك وفردت فوق منها الكريم شونتي ديال الشكلاط بعدما طربتو مزيآآآآان





من بعد حطيت الطبقة الثالثة وسقتيها كذلك و غطيتها بطبقة خفيييييفة من كريمة الشونتي بنكهة الفاني بعدما طربتها مزيان مع ملعقة كبيرة ديال نيدو



ودخلت الحلوة لثلاجة بما نوجد للتزين

خديت واحد القطعة ديال الجنواز وبديت كنرسم الوجه والأطراف ديال إشون دشيب ( يمكن تعوضو الجوناز بأي كيك عندكم غير حاولو ترقوه )



دوبت الشكلاط مع الزبدة ودهنت بيه الوجه والأطراف




خرجت الحلوى من الثلاجة وبديت في التزين كيفما موضح في الصور



خديت الكريم شونتي وبديت كنشكل فيه فوق الحلوى بحال الشكل ديال الصوفة ديال الخروف