حلا لمرايا بكريمة لأوريو

نبداو لمقادير على بركة لله 
طبقة لأولى: لكيك 

2 بيضات ،8 معالق كبار سنيدة ،8 معالق كبار زيت ، 8 معالق كبار حليب، 8 كبار دقيق ، فاني، كيس خمارة،معلقة كاكاو 



فلخلاط نمزج لمقادير كلها بتدريج سوائل ومن بعد نواشف ولخمارة تاليا كالعادة





ندهن لموول ونصب لخليط وندخل لفران 



ندوزو لطبقة تانيا: 

3 دانون مسوس، كاس حليب نيدو،3 معالق كبار سنيدة ،فاني ، بيسكوي أوريو مطحون 



نخلط كولشي فموولينكس مزيان 



ونصبو فوق لكيك منين طاب



نوليو ندخلوه لفرن يشد راسو بلا مايتحمر غير واحد 10 دقايق يبقا لخليط فلونو

أنا هنا درت فوقو هاد بيسكوي أوك أو تونجو راهوم بحال بحال نفس لجأتو هي لول مغطي بشكوولا عاد خويت عليه طبقة تالتا 



لي هي :

2 فلون شكلات، ربع لتر دلما (صراحة أنا كانديروو بلعصير دلبرتقال فبلاست لما كيجي الدذ بكتيير غير هنا ماكانش عندي)معلقة قهوا سريعة ذوبان ،
2 معالق كبار سنيدة 


نخلطو كولشي ونديروه فوق نار يغلي 


ونصبوه فوق لكيك هي بشويا بصفايا ولا بلمعلقا باش ماثحفرش لينا لكريما 



ندخلها لتلاجا تبرد وتشد راسها مزيان 
وبصحة وراحة











هنا كنت عملتها على شكل قلب




في امان لله