المقادير ==
كيلو و نص لحم (تقريبا)
5 او 6 ريوس الثومة مدقوقين
زعفران شعرة
2 حبات تلمصير معسل
2 م.ك سمن
1 م.ص كركم
2 م.ص سكنجبير
2 م.ك سكر
كاس ماي
نص كاس صغير زيت زيتون
2معالق كبار كموون
**الطريقة==
اول حاجة ناخدو القلوشة ديال الطنجية (طبعا هادي الي درت فيها انا كتعطي نفس النتيجة بحكم احنا في الغربة معندناش القلوشة ديال الطنجية)
نديرو اللحم هو الاول - العطرية - المصير - التومة - السمن - السكر - زعفران شعرة(دايب في شوية الما) - زيت الزيتون - و كاس صغيرميكونش عامر ماي (متكتروش الما خصها تجي ناشفة شوية و ميدمة)
و الصور توضح كلشي
من بعد كنشدو بابي المنيوم و كنضوبلوه وكنغطيو بيه فم القلوشة و نشدو مزيااان بالخيط باش متخرجش النفس منها .
كنشدو كوكوط و كنديرو فيها الرماد تقريبا ربع القدر
انا طبعا درت كوكوط كبيرة جنت القلوشة عندي عريضة اما القلوشة ديال الطنجية راه غير الكوكوط المتوسطة تكفيكم
و نحطو فيها القلوشة و نردوها فوق البوطة تقريبا ساعة غير تعطي ريحتها صافي راه طابت . الى قلبناها و لقيناها باقي نعاودو نردوها حتى طيب ...
و هاهي ملي طابت كتجي بنينة بحال ديال الفرناتشي حنت كطيب غير بالرماد
و بالصحة و الراحة
ليست هناك تعليقات:
إرسال تعليق