محنشات بالروز و الطون

المقادير
2 زلايف فرينة كنستعمل ميمونة ولى فاندي
قبصة ملح
1 الزا
شوية ماء دافئ للعجن
رشة سنيدة
للحشوة :
بصلتين صغار
كاس عنبة الا الربع ارز
علبة طون ديال مطيشة
ربيع توابل وملح
الطريقة نعجنو العجينة وندلكوها فحال المسمن و ماتكونش قاسحة نخليوها ترتاح ساعة و من بعد نشكلوها كويرات فحال لمسمن انا عطاتني 6 كرات
و نبداو نبسطوهم و نقسمو الدائرة على 2 و نعمروها بالحشوة نكونو شحرنا البصلة مقطعة مزيان مع الملح والتوابل بزار فلفلة حمراء سكنجبير
و نزيدو الربيع و الارز( نكونو صلقناه مانخليوهش يتعجن غير يدخلو الطياب ) و في الاخر نزيدو الطون غادي نحصلو على حشوة رائعة يلا بغيتو تزيدو حتى زيتون اخضر مقطع وكطيب على نار متوسطة
ونخليكم مع الصور توضح اكثر

قدمتها مع ضفيرة بحشوة صلصلة الليمون و مع الشاي طبعا