المقادير
ماطيشة في الحقيقة ما وزنتهاش
2 خيزويات
2 او 3 كرعات الا كانو صغار
فلفلة حمرة او خضرة الى موجود في التلاجة
3 او 4 بطاطات " حسب واش تتبغيها بكترة
او لا عينك ميزانك يمك تزيدي"
ربطة قصبور و معدنوس
تومة حسب الدوق
حامضة معصرة"او اكتر حسب الدوق"
2 معلق صغارالكامون -2 معالق صغار تحميرة + الملح
حسب الدوق
ربع معلقة بزار - ملح - ورقة موسى "السوداني او هريسة الى تيبغيها " انا مادرتهاش
فلفة مزاود
نصف كأس زيت بلدية
الروز مصلوق على حسب هبرة السمك
سردين صغير او شطون مغسول و منقي من الشوك و الجلدة
الطريقة : تنشدو مطيشة
تنحكوها هي و خيزر و قرعة + نصف مقدار الزيت في طنجرة + ورقة موسى
و تنزيدو عليهم نصف الشرمولة الي صيبناها بي : القصبور و معدنوس+التومة+ العطرية+
الملح
+نصف الزيت+الحامض معصر ونطحن او ندقوها بالمهراز و و نشعل على الطنجرة
منين تتقلى الخضار المحكوكة مزيان زيدي عليها الماء و منين تغلي حطي البطاطا
"بطاطا
نسيت ما صورتهاش مع المقادير" و فلفلة مقطعة
تانخد الهبرة ديال السردين او الشطون و نمعكها بيدية مزيان نزيد القدر الكافي ديال
الروز
"مايكونش الروز بزاف باش مداق الحوت يجي باين وندير النصف الباقي ديال شرمولة ونكور
و نحط في الطنجرة من بعد ما تكون الخضار قريبة الطيب حيت الحوت تايطيب دغية وحطي
فلفلة مزاود
و هنا بالصحة و الراحة
ليست هناك تعليقات:
إرسال تعليق