في طنجرة نديرو شوية الزيت البلدية والثومة نشحروها شوية
نديرو الكلمار يتشحر غير شوية ونزولوه
في نفس المقلة نديرو مطيشة منقية ومقطعة
نشحروها شوية ونزيدو بطاطا مصلوقة انا درت الصغيرة ممكن نستعملو كبيرة مقطعة مربعات كبار
ثم نزيدو قلوب القوق مصلوقين ومقطعين على اربعة
نزيدو شوية الملح والبزار
في زلافة نديرو شوية مطيشة الحك ونحلوها بشوية الماء ونزيدوها في الطنجرة
ثم نزيدو الكلمار لقلينا في الاول
ونخليوهم يطيبو حتى تنسجم العناصر كلها في الاخير نزيدة زيتون اسود بلا عضم وشوية الربيع
وها الطويجين واجد بالصحة والراحة
اللهم ادمها نعمة واحفظها من الزوال
ليست هناك تعليقات:
إرسال تعليق