لزانيا الكفتة

المقادير: باكية لزانيا +رابعة كفتة +2 بصلات مقطعين رقاق+2جزرة محكوكين+1/2 ضامة دكنور+ملح+يبزار+قرفة +زيت العود
بالنسبة لاصوص :4 ماطيشات+4 ضروس الثوم+ نص بصلة مقطعة+زيت العود+1/2 ضامة دكنور+ملح+ابزار +ورق سيدنا موسى + التحمير+لاصوص خفيفة
بالنسبة لبيشاميل: 1/2 لتر حليب+2 معالق صغار عامرين دقيق+2 معالق زبدة+ضامة دلبنة+ملح+جوزة الطيب +قليل من كريمة الطبخ او جبن محكوك

الطريقة بالصور

نشحرو البصلة مع الزيت

نضيفو الكفتة والبهارات وضامة لبنة

نضيفو الجزر المحكوك ونخليو كلشي يطيب
في نفس الوقت تكون عندنا لزانيا كتصلق في ماء وملح وزيت

نزلو وحدة بوحدة باش متلسقش 

منين نخرجوها من الما نديرها وق فوطة تنشف
ن بعد ندوزو لاصوص

نقطعو كلشي نشحرو مع العطرية ونعملوه على عافية مهيلة تطلق الما ديالها وتطيب 

منبعد كنطحنوها وترجعلينا فحال هاد الشكل ونرجعوها فوق العافية

نزيدولها هاد لاصوص في الاخر
ندوزو لبيشاميل الي كلشي كيعرفو دقيق مع الزبدة فوق البوطة حتى يصفاردقيق ونزيدو الحليب مع التحريك نزيدو ملح وضامة مع التحريك حتى تعقاد ونزيدها الجوزة والجبن اولا كريمة
باقي الطرق

لويناه

ستفناه في طبسيل دلفران كبينا فوقو لاصوص
وعاد لبيشاميل
ودخلناه لفران حتى طيب