روز بالدجاج والخضار

المقادير :
طريفات دجاج (أو كدلك كروفيت أو طريفة لحم ، لكن ألإختيار )
فلفلة 
جزر محكوك 
جلبانة 
بصلة محكوكة 
كاس صلصة طماطم 
لوبية خضراء 
ربيع مقطع 
ثوم 
توابل :تحميرا ، بزار ، ملح ، سكين جبير ، خرقوم ، ورقة سيدنا موسى 
شوية سمن 
زيت زيتون أو زيت نباتية 
والروز من طبيعة الحال 


ملاحظة : الخضار المجال امامكم مفتوح ليعجبكم عملوه ولميعجبكمش حيدوه ، القرع كورجيت كيتمشى مزيان مع هاد الوصفة مكنتش عندنا نهار عملت الوصفة 
--بنسبة للروز إلا بغينا الوصفة تجي شوية نشوية وخاترة نستعملو الأبيض وإلا بغينا العكس وكل حبة تبقى معزولة ومفروزة نستعملو الصفر ، أنا ستعملت البيض 
--بنسبة لورقة سيدنا موسى إلا كانت مجهدة بزاف مندروش ورقة كاملة ، ولكن شوية منها ، حيث المدق ديالها إلا كان مجهد كيغطي جميع النكهات لكينة ، يعني نردو معها البال وبالخصوص ديال المغرب ما شاء الله مجهدة بزاف 

الطريقة بالشرح مع الصور 

أول حاجة نعملو كلشي في الكوكوت الدجاج والخضار والتوابل ونشحرو مزيان نزيدو العبار ديال كاس صلصة طماطم وإلا كينة طرية مشي مشكل ونزيدو معجون طماطم مخفف في الماء








مني تشحرت مزيان المكونات عندنا ، نزيدو الماء ومن أحسن سخون أو إلا عندنا مرق دجاج يكون أحسن أو مرق خضار ، ونسدو الكوكوت ، نخلوها واحد 20 دقيقة ، حيث أصلاً كلشي عندنا ميشدش طياب بزاف


هنا عندما فتحت الطنجرة


الآن : في كوكوت كنستعمل زلافة ديال الروز ، مني نطفو على كوكوت ونزيدو الروز خطوة مهمة بزاف أنه نبقاو نحركو واحد خمسة مرات أو كثر




المهم منين نحركو الروز ونسدو الكوكوت ، إلا كنا مزروبين غادي نحسبوا من ورا التصفيرا واحد ربع ساعة ونردو البال ، ره كن الكوكوت لكتشرب وكين لكتحرق وكين لدرويشة ههههه المهم كل وحدة حافضة شغلها هههه ولكن من أحسن والأفضل والمثالي لهد الوصفة هو أنك تنقسي العافية مزيان تخليها على أقل مستوى بحل شمعة مثلاً وتنسي الكوكوت واحد 40 دقيقة ، بحد الطريقة كتكون عندك أحسن نتيجة








بالصحة والراحة