المقادير :
2 كيلو و نصف من دقيق القمح الكامل يكون محمر { كتاخدو القمح حبوب و تحمروه فالفران من بعد كطحنوه }
كيلو لوز مفسخ و محمر فالفران على عافية مهيلة { ممكن تقليوه الى حبيبتو } و مهرمش
كيلو كاوكاو محمر و مقشر او مطحون مزيان
كيلو جنجلان محمر نصفو مطحون و النصف الاخر نخليوه صحيح
200 غ زريعة الكتان مطحونة بلا ما تحمر
500 غ سكر كلاصي
3 م.ك نافع مطحون و مغربل
3 م.ك حبة حلاوة مطحونة و مغربلة
2 م.ك قرفة مدقوقة
1 م.ص كوزة
2 مسكة حرة مدقوقة
قبصة ملح
500 غ زبدة { انا درت بلدية }
500 مل زيت زيتون خفيفة { ممكن تشريوها من كارفور }
عسل حر على حسب الحلاوة لي لغيتو
الطريقة :
فكسرونة كندير الزبدة و الزيت و العسل حتى يدوبو و نخليوهم على جنب حتى يبردو شويشفهاد الاثناء كنخلطو جميع النواشف مع بعضها ماعدا الجنجلان لي ممطحونش و نحاولو نفكو لكوييرات , و نضيفو خليط الزبدة و العسل و الزيت و ندلكو مزيااااان حتى نحصلو على خليط متجانس ديال سلو المعروف , و كل واحد و كيفاش كيبغيه يا ناشف يا شويش مزيت انا خايتو ناشف الى بغيتوه يكون ميدم كثر زيدو الزبدة او زيت لي بغيتو , نزيدو الجنجلان لي صحيح و نخلطو الكل و نديرو المقدار لي بغينا فطبق التقديم و نزينوه بحبات من اللوز المحمر و الباقي نحتفضو به فشي سطل , نخليكم مع الصور
ليست هناك تعليقات:
إرسال تعليق