غادي نحتاجو الفول يابس نكونو نقيناه وفزgناه ليلة كااااملة
المعدنوس والقزبور كنكترو شوية
اوراق النعناع بلا عواد
الشبت اختياري وكاين اللي كيدير الشبت ومكيديرش النعناع والعكس
راس الثومة
بصلة
بصلة خضراء اختياري
فلفلة خضراء حارة اختياري
خميرة ديال الحلوى او البيكاربونات
التوابل ملح - كمون - شوية ديال لبزار - قزبور يابس (اختياري)
الصراحة كولشي عيني ميزاني مكنقدرش نحدد
الطريقة
1 كناخدو الفول كنطحنوه مزياااان اما في الماكينة ديال الكفتة او محضرة الطعام
2 كنزيدو عليه المقادير كلها ماعدا الخميرة او البيكربونات ونطحنو مزيااان حتى يتلين كووولشي مزيان
3 فاش يتطحن مزيان ونبغيو نقليوها كنزيدو الخميرة وغير كنحركو
4 كنشكلو الطعمية بيدينا ولا بالالة الخاصة بها انا كنفضل باليد
5 نقليوها واحد الشرط ضرووووري في القليان متقلبيهاش حتى تشوفيها تحمرررات من لتحت باش متفرتتش
6 نحطوها فوق كلينكس الماص
7 نقدموها مع الخللات كتجي رااائعة معاهم ولا كسوندويتش فيه المخللات وخس او مع الدنجال مقلي
نتمنى تعجبكم وتجربوها
ليست هناك تعليقات:
إرسال تعليق