كنحتاجو لفخدات ديل دجاج مزولين عليهم جلدة + زلافة روز بسمتي + 2 بصلات مقطعات شرائح رقيقة + كاس ديل زيت + بهارات برياني
+ توما محكوكة + شوية دلوز + شوية ملح +شوية زعفران+ نصف حامضة مسيرة +شوي زبدة + كنور + معلقة ديل دقيق+ معلقة ديل مايزنا الطريقة كنخدو دجاج أنرقدوه ف لحامض مقطع طريفات صغا +دانون مسوس +بهارات لبرياني +توما محكوكة +ملح ونخلوه يرتاح وحد 4 سويع من بعد كانقطاع لوز رقيق كيفما فصورة انحمرو فزيت منين نحيدو نفس زيت نقلي فيه البصلة لكنديرو معها معلقة ديل ميزنا أمعلقة ديل دقيق كنخلطها مزيان ونديرها تقلى وتكون عفية مهيلة بش تجي مقرمشة من بعد نصفها فصفاية حتى يتسقطر منها زيت مزيان ونفس زيت نقص منو و كنقللي فيه دجاج، من بعد كنغسل روز اندير كسرونا فيها لما وكنور وشوية ملح نخليها حتى تغلى وندير فيها روز يتسلق نصف سلقة ونصفيه ونرجع للدجاج بعد ما تقلا مزيان كنزيد عليه لما لسلقنا فيه روز ونخليه يطيب شوية عد نزيد ليه روز وزعفران أزبدة أنغتيه مزيان بلليمنيوم خاص لبوطة تكون ناقصة بزاف واحد الء20 دقيقة ونطف عليه منحلش عليه ديك ساعة نخليه واحد ربع ساعة عد يكون وجد ونحطو فصحن تقديم ونرش عليه البصلة ولوز من لفوق لمهم صور رها كتشرح لكم إو بصحة وراحة راه كيجي غزال والله متشبعو منو لعجبها لموضوع شي دعوة
دو بهارات ديل لبرياني إلى مكنش عندكم لخلطة ديالو
ليست هناك تعليقات:
إرسال تعليق