ناخدو 1كلغ من الفراولة نغسلوها ونقطعوها دوائر (للامانة انا استعملت اكثر من كيلو بشوية على حساب انا ماعنديش مع الحلاوة بزاااف هههههه ولكن الوصفة فيها 1 كيلو فريز)
من بعد كنخلط مع الفريز 500غ سكر سنيدة ونغطي عليه بالبلاستيك الغدائي
وكندخلو الثلاجة لمدة 24 ساعة مهم جدا باش يطلق السيرو ديالو وفي الطياب يجي ساهل ومعلك وشفاف ملي يطيب
من بعد نوجدو باقي المقادير واللي هي حامضة + 12 ورقة نعناع
كنقطع النعناع ونعصر الحامضة
نوضع الفريز من بعد مادازت 24 ساعة في وعاء على النار حتى يغلى ونضيف ليه النعناع المقطع
ونخليه على نار متوسطة لمدة 30 دقيقة تقريبا ومرة مرة نحرك بملعقة خشبية وبحال الى نورك عليه باش يتمعس
ثم نضيف ليه بعد ذلك عصير الحامض وانا نحرك
انا ماجاش باين بزاف ملي كنت كنصب في الحامض حيت كنت كنحرك فيه هههههههههه
ونخليه يغلي شي 4 دقائق
وهاهو واجد بالصحة والراحة
نتمنى تعجبكم هاد الطريقة وتكون جديدة عليكم
وهاهو هنا شفوه كيف عامل شفاف ولونو واضح
وها الكمية اللي عطاني
ليست هناك تعليقات:
إرسال تعليق