المقادير
يمكن تديرو جينواز او اي كيك تيصدق ليكم انا درت الكيك الي معتادة
نديرو ديما غير انا درت ميقدار و نصف على حسب المول او الطاوة6 بيضات
كاس و نصف عنبة سانيدة
كاس و نصف عنبة زيت
كاس و نصف عنبة قهوة
4 كيسان دقيق
نصف كاس كاكاو
3 خمارات ديال الحلوة
كاس كبير قهوة محلات للسقوة كيك
نصف كيلوكريم فريش
للحشوة و لتغلف الكيك
100الى150 غ سكر كلاصي "حسب الدوق ممكن تنقصي ممكن تزيدي"2خنيشات فاني
نصف كيلو تاني من كريم فريش للتزين
100الى150 غ سكر كلاصي "حسب الدوق ممكن تنقصي ممكن تزيدي"
2خنيشات فاني
ملونات طبيعية
شوية شكلاط دايب لرسم الشكلالطريقة :
كما المعتاد تنطربو البيض مع السكر حتي يزيد في الحجم منبعد نضيفو الزيت تم القهوة
بعدها نضيف الدقيق مغربل مع م كاكاو و خمارات بشوية بشوية حتي يندمج الخليط تم نكبوه في المول تم الى الفرن و كل واحد تيعرف قياس حرارة فرانو
لرسم الشكل ناخد الشكلاط دايب في حمام مريم و نضعه في الورق بالشكل
كورني الصور توضح اسفله
نرسمو على الورق و نقلبوه و دهنو بالزيت و نطراسو بالكورني ديال
الشكلاط و نخليوه يبرد في المطبخ
ناخدو الكيك ديالنا منين يبرد نحيدو الجوانيب الناشفة و نقسموه على النصف عاد نقسمه من الوسط باش تجينا ساهلة في المونطاج
ما تخافوش راه لاكريم تتغطي كولشي حتى حاجة ما تتبان
نحط الانصاف ديالنا
الفوقانية على شى حاجة باش يسهال من بعد نقلبها دبا انا حطيتها فوق غطاية بواط
بلاستيك مستطيلة تتجيني نفس القياس و تتسهل المأمورية
نأخد السقوة
ديال القهوة ونبدا نسقي الجهة السفلية بملعقة كبيرة بشوية تنحتاجو نصف الكأس تم
تنغطي بالكريمة تنحتاجو نصف الكريمة
من بعد نأخد النصف الأول من
كيك الفوقاني و نسقيه ونحطو و كدالك مع النصف االتاني نسقيه عاد نلاسقو مع خوه
تم نكمل بالكريمة
هنا حطيت الشكل فوق لطورطة مع العلم راني خسرت الأول و عاودت التاني و حطتو فوق الكيك عاد زولت الورق هههه خفت نزكلها مرة اخرى
ناخدو النصف كيلو التاني من الكريمة و نطريوها حتى تطلع مع سكر كلاصي و فاني و نقسمها الى اجزاء و تلون باللون المستحب و من الاحسن ملون غبرة حيت ما تيطلقش الكريمة او ملون ساءل جيد رغم انه في السوق ما كينش الإختيار
ليست هناك تعليقات:
إرسال تعليق