المقادير
كريب مالح لي يعجبكم
نصف لتر حليب +ملح
240غ دقيق
2بيضات
2 معالق زيت
زست حامض
شوية جنجلان او سانوج ملعقة صغيرة
خلطي كلشي وخلي يرتاح نصف ساعة وطيبيهم
بالنسبة للحشوة
طريفات بيبي او دجاج او قطع صوصيص
مكور مقطع رقيق ممكن تعوظوه بكرعة محكوكة
3 خيزو محكوكين
بطاطا متوسطة محكوكة
حك صغير شامبنيون
اي نوع ديال الفرماج
ملح وابزار وزيت
الطريقة
شحري لحيمات مزيان مع لمكور والزيت والملح
زيدي خيزو محكوك وشحري مزيان ثم البطاطا غير تزيدي البطاطا متوقفيش على التحراك حتى يطيب الخليط باش ميلصقش في قاع المقلة ونسميه بالفرماج و الابزار وخليه يبرد
حطي لكل كريبة 2 معالق كبار وطويهم على شكل مسمن وحطيهم في مول مدهون بقطيرة زيت ودخليهمك للفرن يتقرمشو شوية
اما الا تفظليهم رطبين استعملي الة البانيني
غير يطيبو قدميهم دافيين وبالصحة والراحة
ليست هناك تعليقات:
إرسال تعليق