كباب مغدور

المقادير

جوج بصلات متوسطين مقطعين رقاق



تقيطعات د اللحم د الغنمي يكونوا موخودين من النبو



العطرية و هي عبارة عن ملح سكين جبير فلفلة حمرا قسبور يابس مطحون راس معلقة صغيرة خرقوم
زبدة بلدية انا ماكانتش عندي درت غي الزبدة د العبار
نص كاس صغير زيت بلدية



نديروا كلشي فالكوكوط و نضيفوا الماء الكافي لي يطيب لنا اللحم انا درت جوج كيسان



نسدوا الكوكوط و نخليوا اللحم يطيب على خاطرو من بعد نحلوا عليهيلا لقيناه مزال نوليوا نسدوا عليه خصوا يكون طااايب, و نخليوه يتقلى مزيان ومنين نقربوا نطفيوا عليه نضيفوا شوية د الكامون



وهاهو واجد
هو فالاصل مني تيطيب تيدار فالطجين و تيتفقص فيه البيض و يطيب و لكن انا كنت قريت انه ماخصناش نجمعوا جوج مصادر د البروتين فوجبة وحدة داكشي علاش قدمتو هاكا و لكن رافقتو بسلطة خضار مشكلة