المــقـاديـر :العجين :
500غ فورص ، 12غ ملح ، 40غ سنيدة ، 250غ ماء ، 400غ زبدة مرڭرين للتوراق
الحشوة :
100غ زبدة عادية تكون شادة فراسها ، 300غ بودرة كريم پاتيسير ، 3 البيضات ، 20غ دقيق ( في حالة الضرورة) ، 300غ بودرة اللوز (أو اللوز مسخن في الفرن و مطحون) ، 300غ سكر كلاصي , الشكلاط مقطع أو الشكلاط حبيبات
الطــريـقـة :
بالنسبة للعجيـن غانخدموها بنفس طريقة العجين المورق كنضن الأنيقات كاملين كايعرفو الطريقة
ملي نكملو العجين المورق نوريكم الطريقة بالصور
كنقسمو العجين بعد ما نخدموه بطريقة العجينة المورقة على 6 ديال الدوائر بمول خاص
كنوضعوهم فلاطة ديال الفرن
كندهنو الجناب بالبيض و كنوضعو الحشوة في الوسط كيف ما كتشوفو بعد ما خلطنا مقادير الحشوة بالطراب في الإناء و كنضيفو الشكلاط مقطع فوق الحشوة نسيت ما صورتو
كنوضعو الدوائر الثلاثة الباقيين فوق من الدوائر للي وضعنا فوق منهم الحشوة و كنتكو الجناب بالموس و كندهنوهم مزيان بالبيض
كنوضعوهم فلاطة الفرن
كنزوقوهم بالموس كيف شفتو فالصورة
و ندخلوها للفرن وبالصحة و الراحة
و ها هي مللي طابت راه ما نقولش ليكم كيفاش كتجي غزالة بزاف للي داقها كيحمآآآق عليها، دوقت منها كاع الجيران كلشي عجباتو
.
.
ليست هناك تعليقات:
إرسال تعليق