المقادير
نصف كيلو سميدة رقيقة ديال الحرشة
كاس كبير حليب ما عمرش حتى الأخير غير مواجب
خميرة ديال الحلويات
فاني
نصف كاس زيت نباتي
3 معلق سكر + شوية الملح
غطاية دايرة ديال طاسة صغيرة او اى شيء يساعدك
على عمل الشكل
الطريقة
اولا خصنا نضمو راسنا و نوجدو كولشي قبل المقلة
فوق النار باش تسخن اباش غادي نهز الحرشة و فوق اش غادي نقرصها و باش غادي ندورها
عاد نبدا التخلاط حيت السميدة دغيا تتنشف لدلك نخففو يينا شويا و نركزو فقط مع
الحرشة
تنشدو السميدة و تنخلطوها مع الزيت مزيان يعني
نبسبسوها و تناخدو منها قيمة نصف كاس عنبة فايت او بأصح تعبير ثلثين الكأس و نخليوه
جانبا و نشدو الخميرة + فاني + الملح + السكر و نخلطو كلشي مزيان و نبداو نجمعو
بالحليب وخا يبان ليكم بان الخليط جاري شوية ما تخفاوش راه السميدة دغية تتشرب و
نبداو نديرو كرات صغار بيدينا و نحطوهم في طبسيل حتي نكملو راها تتخرج ما بين 11 او
12 لوحدة حسب الكرة الي تديري
المرة الأولى راكي خاصك تصبري باش تتعلمي و من بعد عادي تجيك ساهلة
المرة الأولى راكي خاصك تصبري باش تتعلمي و من بعد عادي تجيك ساهلة
تنشدو الغطاية ديال الطاسة و تندهنها بالزيت و
منبعد تندردر شوية السميدة فوق القراطة و تندردر شوية اخر في الغطاية و تنضغط عل
الكرة ديلنا و تنحرك يدي يمينا و شمالا و تنهز الغطاية إلا لصقات يكفي نضربها مع
القراطة من الجانب و نرجع نحرك يدي باش تجي مقادة و نهزها بشي حاجة و نحطها في
المقلة و خاصني نزرب شوية باش يطيبو كاميلين في نفس الوقت
النار خاصها تكون متوسطة الى مهيلة باش ما تحرقش
و خصنا نهزوها بشي سبتول عاد نقلبوها بيدنا ماشي نهزوها نيشان بيدينا لأنها تقدر
تتفرتت لينا لأنها هشيشة بزاف
راه كل وحدة تتعرف المقلة ديلها منين تطيب مزيان
و منين تتحرق لدلك خاصك تبقاي دوري لحرشات و هما في بلاصتهم باش يجو مقادين في
الطياب
هنا الباقي من الحريشات بلا طياب تينسناو الدور
ديالهم خصنا نقرصو كل الكرات ما نخلوهمش حتي يطيبو الأخرين باش يساهال علينا
تقراصهوم و ماينشفوش و راه هادك القدر الى خديت من السميدة الى كنت تندردرو شاط لي
منو شوية يعني راه غير في الأول الى تنحتاجو ندردرو السميدة بزاف باش ما تلصقش في
الغطاية و في القراطة و مبعد تنديرو غير شوية
ليست هناك تعليقات:
إرسال تعليق