كفتة السردين

 

المقادير:
سردين مغسول و منقي و مزول ليه السلسول و الجلدة
بصلة مشلظة
ثومة
عصير نصف حامضة
قسبور و معدنوس
شابلير
ملح
ابزار
كمون
قسبور يابس مطحون
تحميرة
هريسة
مقادير الصلصة:

مطيشة محكوكة
ثومة محكوكة
فلفلة حارة مقطعة
ملح
ابزار
تحميرة
كمون
مطيشة معلبة
ضامة البنة الحوت (اختيارية)
الزيت

الطريقة:

كنطحن القسبور و المعدنوس و عصير الحامض و البصلة و الثومة فالأول عاد نزيد السردين حتى نحصل على كفتة لينة

نعمل الكفتة فزلافة و نزيد عليها التوابل (ملح+ابزار+تحميرة+كمون+القسبور اليابس مطحون+الشابلير و الهريسة)
نعجنها مزيان و نخليها جانبا

نعمل مطيشة محكوكة و الثومة و الفلفلة الحارة مقطعة مع الزيت فوق النار حتى تتشحر عاد نزيد التوابل و ضامة البنة و مطيشة معلبة و شوية الماء و نخليها تطيب
نعمل من كفتة السردين كويرات نستفهم فوق الصلصة و نخليها تطيب على عافية مهيلة و مرة مرة نسقي الكويرات بالصلصة

ها الشكل ديالها ملي طابت كتجي لديدة بزاااف
اللي عندها الوليدات الصغار ممكن تستغنى على الحار