تارت بعجينة البريزي محشوة بالتفاح

مقادير بالنسبة للعجين بريزي انا درت المقادير على حسب المول اللي عندي كبير شوية
300دقيق
150زبدة دالعبار
1صفار بيضة
2معالق كبار سنيدة وقبيصة ملح وشوية دالما الا ماتجمعش العجين كنخدم الزبدة مع الدقيقوالسكر حتى كيترمل الخليط كنزيد الصفار والما وكنجمعها بلا ماتعجن وندخلها للثلاجة ترتاح نص ساعة من بعد كنسرحها وكنلبسها للمول وندخلها للفريكو انا كندير هادشي بالليل وكنخليها تبات فالفريكو هاد الطريقة كتخلي الجوانب دالتارت مايهبطوش فاش كندخلها للفرن والا كنا مزروبين وخا غي نص ساعة من بعد غادي ندخلها تطيب نص طيبة من لفوق باش فاش نكب الحشو مايفزكش لينا العجين ندوزو لمقادير الحشوة
1علبة جبن جبلي
1علبة دالكريم فريش مايعادل 200مللتر
100غ سكر سنيدة
1معلقة كبيرة مايزنا
2بيضات
وغادي نحتاجو 2 تفاحات كبار او3متوسطين كنعسلهم مع 2معالق كبار من السكر البني او سنيدة ماشي مشكل ومعلقة كبيرة دالزبدة
زلافة صغيرة من الكركاع مهرمش
كندير التفاح المعسل فوق التارت من بعد ماطابت نص طيبة كندردر عليها الكركاع مهرمش
كنطرب البيض مع السكر بالباطور مع الفاني نسيت ماذكرتهاش فالمقاديركنزيد المايزنا والجبن والكريم فريش حتى كتمتزج العناصر مزيان وكنكب هاد لاباراي فوق الكركاع والتفاح وندخلها للفرن حتى تطيب وتتحمر العجينة والخليط ايشد راسو ملي كتبرد مزيان كنرشها بالسكر كلاصي وبالف صحة وعافية