العجينة
1كلغ دقيق
250غ زبدة
ملعقة كبيرة خميرة الخبز1 خمارة الحلوة ملعقة كبيرة مليانة خل
1فاني
1بيضة كاملة
مزيج من ماء الزهر والماء العادي يكونو دافيين حسب الحاجة
طريقة التحضير
تذوبي كمية الزبدة وتخليها تبرد من غير ماتجمد وتصبيها فوق دقيق وتخلطي مزيان حتى تولي مثل حبيبات الرمل تزيديلها البيضة وقرصة ملح والفاني وتخلطي شوية وتزيدي الخميرة نتاع الحلوى ونتاع الخبز تخلطي شوية وتزيدي الخل والماء المخلط اللي شوية فقط دافي وتجمعي حتى تتحصلي على عجينة ماشي طرية بزاف الى كانت طرية بزاف تتعبي معاها وقت العمل
تقسميها على 4 قرصات وتغلفيها بكيس الغذائي الشفاف وتخليها ترتاح ساعة كاملة
قسميها لقطع متوسطة وطلقيها بالمكينة حتى تتحصلي هلى شريط قطعي منو حبات بطابع المتوسط والكبيرمنين تكمليها حطي كبيرة وادهني الوسط بشوية بياض بيض وهدا هو السر في انها ماكتحلش الحبات من بعضها وقت القلي وزيدي فوقها حبة من نفس الحجم لكن حطيها بطريقة معاكسة وادهني الوسط بياض البيض ولصقي حبة المتوسطة واهني الوسط بياض البيض وزيدي فوقها حبة من نفس حجمها لكن حطيها معكوسة واخيرا غطسي حبة لوز من الجهة الرقيقة أو حبة كاوكاو في بياض البيض وحطيها في الوسط الحلوة حتى تبان من تحت
حطي الحبات فوق بلاطو مرشوش بشوية بالدقيق وغاطيهم بمنشفة وتبعي باقي الخطوات حتى تكمليها كلها
واللي بقالك كل مرة من العجينة جمعيها من غير عجن وخليه في الكيس مدة وعاودي طلقيها واستعمليه بنفس الطريقة
سخني الزيت واقلي الحبات على نار متوسطة حتى تاخد اللون الذهبي قطريها وعسليها
ملاحضة :أنا مدرتش مقادير كلها درت غير شوية حيت هاد المقادير كيخرجو بزاف
ليست هناك تعليقات:
إرسال تعليق