طريقة عمل اليبرق

كنحتاجو:
ورق العنب يكون طري
الروز
مطيشة
النعناع يابس مطحون بكثرة
مطيشة ديال الحك
شوية الحرور
ابزار
ملحة
بصلة مشلظة غليضة
مطيشة طرية مقطعة طراف صغار
نجيو للطريقة:
ناخدو اولا ورق العنب نسلقوه فالماء أولا إلى كان مشري كيكون واجد للإستعمال
ناخدو البصلة قياس زوج بصلات نقليوهوم فوق البوطة حتى يدبالو ونزيدو عليهم الروز قياش زلافة متوسطة الملحة الإبزار الحرور النعناع يابس معلقة كبيرة ديال مطيشة ديال الحك مطيشة الطبيعية آه نسيت لي بغا يزيد شوية ديال الكفتة لتنسيم راه كتجي غزالة و هي ماشي ضرورية انا مرة كنديرها مرة لا ونقليو هادشي كامل مع الزيت البلدية
نحصلو على خليط هاكا:

خليكوم معايا على ما نكمل ليكوم الطريقة ديال الطياب
من بعد نعمروهوم ونخليكوم مع الصور تشرحليكوم :



ونستفوهوم مضايقين باش ما يتحلوش فالطياب ونخويوعليهم الماء والملحة و الزيت البلدية بكثرة ونحطو فوقهوم شي حاجة تكون ثقيلة باش ما يتفسخوش نقصو على البوطة ونخليوهم يطيبو شي ثلاث ساعات و بالصحة و الراحة 





وها هما من الوسط