التريد بالدجاج و البريوات

مقادير المرق :

1 دجاجة من الأحسن تكون بلدية ( أنا مكانش عندي دجاج بلدي )
1 بصلة مشلضة
2 بصلات مشنفين
2 فصوص ثوم محكوكين
سمن
زيت العود
زيت المائدة
ربطة معدنوس ( أنا كان عندي غير مقطع )
زعفران شعرة
ملح
رأس الحانوت ( ديال المروزية )
إبزار
اسكنجبير
خرقوم بلدي





طريقة التحضير :

في طنجرة نشحر الدجاج مع العطرية و الزيت و التومة و الملحة و السمن و البصلة المشلضة ثم نضيف البصل المشنف و ربطة المعدنوس و نمرقو الطاوة و نخليوها طيب













مقادير التريد :
1 زلافة ديال الدقيق فينو
1 زلفة ديال الدقيق الفرص
ملح
ماء
زيت المائدة





طريقة التحضير :

نخلط الدقيق مع الملح و نعجنه بالماء ندلكه جيدا و تكون العجين مرخوفة نعمل منها كويرات تغطس في الزيت و توضع في بلاطو و تغطى ببلاستيك لمدة 10min 










مهم أنا صورتلكم غير تراد باش لي مكيعرفوش يشفو كيداير









و بما أني معنديش التراد كانت ماما نصحاتني شحال هدي باش نديرو فوق الكوكوت و النتيجة هاهي

نأخد الكوكوط و نحيدلها اليدين باش ميتحركوش و نقلبها مباشرة فوق النار 





نورق العجين بالزيت و نديروه فوق الكوكوط من يطيب نحيدوه و نطويو التريدة على 4 و نغطيوها بي منديل حتى نكمل العجين لي عدنا













من بعد نحتفض ببعض التريدات لي التزيين و الباقي نقطعوه بالمقص و نبخروه في الكسكاس غير شوية و نسقيواه بالمرق





مقادير التزيين :

بريوات بالدجاج
لوز مقلي
بيض مصلوق
قطع من التريد





طريقة التزيين :

توضحها الصور













و يقدم بالصحة و العافية