المقادير :
بالنسبة العجينة :
زلافة فورص تقريباً 300 غ
كاس حليب بارد تقريباً 160 غ
40 غ زبدة باردة
رشة ملح
المقادير بالنسبة الحشو :
سبانخ ،
بصلة متوسطة ،
جوج حبات توم ،
ملح ، ابزار ، جوج معالق زيت زيتون ، الربيع ،
فرماج محكوك (أي نوع )
الطريقة :
نبسبسو الزبدة مع الفورص بمساعدة الحكاكة ، كتسرع العملية ، للإشارة أنا ستعملت الدقيق الكامل حيت هو ل موجود دبا في الدار
من بعد نبداو نجمعو بالحليب ورشة ملح منسوهاش .
نجمعها حتى نحصلو على عجينة متجانسة ، نخلوها ترتاح نصف ساعة في الثلاجة .
دبا ندوزو للحشو ، إلا عندكم سبانخ مجمدة ، نديرها نيشان في المقلة على نار خفيفة دوب ، من بعد بش نسرعو العملية ، نديرها تحت الماء بارد ، ونعصروهم مزيان مزيان مزيان بيدنا ، مخص يبقى فيهم الماء .
من بعد نديرو الزيت في المقلة نزيدو عليه البصلة والملح والتوم والبزار ، غي شوية ونزيدو السبانخ والربيع ، نشحرو مزيان ومن بعد نرجعوه لشي إناء ونضيفو الفرماج محكوك (كين لي كيزيد البيض و كين لي كيزيد الجبن ديال ريكوتا)
بالنسبة الأخوات إلا ستعملتو السبانخ طريين ، خاص يتقطعو شوية .
ملاحظة : ستعملت التوم غبرة ، بش ميجيكمش التوم مجهد عملوه صاين وحيدوه من بعد
نخلو الحشوة تبرد شوية
نرجعو العجينة نخرجها من الثلاجة نقسمها على جوج ، نسرحوهة
بعدة ضروري غي نبداو نوجدو الحشوة نديرو الفران يسخن على 200 ، كتبغي تقريباً 35 حتى 40 دقيقة .
ندهنو اللطة ، ممكن دائرية أو مستطيلة لي بغيتو .
من بعد لبسوها العجينة حتى الفوق ، ونعمرها بالحشوة ونضغطو عليها مزيان نقضوها مزيان بيدنا ، نسرحو الكرة الأخرى ديال العجينة ونرجعها عليها من الفوق ، ونسد مزيان
في الأخير ، ندهنوها مزيان بالزبدة من الفوق
ندخلوها الفرن ومني طيب نقدمها بالصحة والراحة .كتكال باردة أو سخونة
هادي وصفة تقليدية من ريجيو-اميليا ، كيفطرو بها كدلك ومعروفة عندهم وعزيزة عليهم
نصائح : ممكن مكان الحليب تستعملوا الماء الغازي .
في هاد الوصفة هما كيستعملو مع الحشوة طريفات ديال لحم مقدد ديالهم ، ممكن إلا بغيتو تستعملوا طريفات صغار ديال كاشير .
ليست هناك تعليقات:
إرسال تعليق