سلطة الفواكه

المقادير 
الأناناس ، الفريز ، الكيوي ، التمر ، العسل ، بدور الكتان ، جنجلان ، شرائح لوز ،معلقة وحدة سكر ، وريقات نعناع للتزيين (بالنسبة للفواكه إختياري لبغيتيه زيديه )


الطريقة 
أول حاجة نقطعو الأناناس ، ونحيدو ليه داك العود الوسطاني ديالو ، كيف كتشوفو في الصورة حيث تيكون قاسح ونعملو مربع بداك السكين وسط الأناناسة ونخدو معلقة ونبداو نخويو بها الداخل لغادي نقطعو من بعد بش نكلوه ياكو ؟ اوا من بعد نبقاو نكرطو مزيان بالمعلقة حتى نحصلو على طبسيل الأناناس .





نقطعو جميع الفواكه طريفات صغار والتمر كذلك ، ندوبو جوج معلق كبار عسل في نص كاس ماء تقريباً ونجمعو الكل في إناء ، نزيدو معلقة ديال السنيدة والكتان والجنجلان واللوز إفيلي ونخلطو مزيان




مكن نخلوها تشرب مزيان ، يعني نوجدوهة من قبل ونخلوهة حتى نحتجوهة ولكن من أحسن الفواكه هكدا مقاطعة تكال في الحين وضروري قبل الأكل بنصف ساعة على الأقل أو بعده بساعتين ، نحاولو نبداو نحيدو العادات الغدائية السيئة من ديورنة بعدة و نصحو الناس ، ره الفاكهة مباشرة من بعد الأكل غي كتبقى تخمر في المعدة وتولي سم ماعنده حتى فائدة نهائياً ، ، نقدموهة بالصحة و الراحة









نسأل الله الهداية اخواتي ، والعفو والعافية