صابلي مقلي

المقادير
4 لبيضات (انا زدت وحدة)
كاس ع زيت
رابعة سنيدة
فاني
2 خمارات
الطحين ح.خ
نقدرو نزيدو حتى دانون(انا مادرتوش)

كيف كاع لحليوات نخلطو لمقادير ونجمعو بالطحين



نطلقوها بالدلاك بين 2 بلاستيكات منها ماتلصقش ومنها متقصاحش بالطحين

ونقطعوها حسب الذوق انا فلمرة الاولى قطعتها دوائر صغيورين وطقبتهم من لوسط


وهاد المرة بغيتها تجيني شكل هلال قسمت كاع الدوائر على 2 بالموس نسيت ماصورت ويني لفكرة واضحة
وقليتهاو
هاهي واجدة عطاتني هاد المرة بزاف حنت هلالات صغيورين

خليتها شوي تنشف عاد غبرتها فالسكر كلاصي

وزينتها بالشكلاط من الجناب
شوفو شحال عطات ماشاء الله





وهاهي ملي قدمتها لضيوفي وعجباتهم ما مشاو حتى قيدوها