المقادير :
باستا penne - صوص مطيشة - بصلة صغيرة محكوكة - ثوم محكوك - معلقة صغيرة زعتر - معلقة صغيرة سنيدة - ملح ، ابزار ، ربيع ،زيت زيتون ، فرماج محكوك
طريقة تحضير الصوص :
نسخنو المقلة وفي نفس الوقت نديرو الماء يغلى مع شوية الملح ونقطة ديال زيت غي شوييية ، المهم نرجعو المقلة نديرو فيها زيت الزيتون والتومة محكوكة على نار هادئة من بعد نزيدو البصلة صغيرة محكوكة وشوية ملح وابزار ، غي نحسو بالبصلة شوية طاحت ونزيدو الصوص ديال مطيشة والسر في البنة ديال الصلصة كرجع لمعلقة صغيرة ديال زعتر يابس ، إذاً نزيدوها ، وعد معلقة صغيرة ديال سنيدة كتهرس الحموضة ديال مطيشة وكتعدل المداق ، ندوقو الملح والبزار وش كافين أو محتاجين مازال ، نزيدو الربيع مقطع ونخلو الصلصة تنكه على راحتها على نار مهيلة
طريقة تحضير الباستا :
مني يغلى الماء ونكونو كملنا توجاد الصوص ومخلينهة على نار مهيلة ، غادي لوحوا الباستا ونحسبو 3 دقايق بالحساب ، مني تكمل 3 ديال دقايق غادي نصفيوهة ونحتافضو بالماء لي تسلقات فيه حدانا ، غادي نزيدوها على الصوص لعندنا ونبداو نسقيو من الماء ديال السليق ، غادي نكملو لها الطياب مع الصوص بش تشبع أكثر ، كمية الماء والمدة لكتحتج الباستا بش تكمل الطياب ديالها عينيكم ميزانكم ، على حساب العافية عندكم وحساب نوع الباستا كيف عامل وحساب حتى الدوق وش تبغوها شوية أدينتي أو طيبة بزاف ، المهم تجانس المكونات كاملة مع بعدها وهذا بفضل النشا لتيكون في ماء السليق ، في الأخير كنزيدو شوية الفرماج محكوك أي نوع تحبو ونقدموهة بصحة وراحة مع رشة ربيع للتزين وفرماج
ليست هناك تعليقات:
إرسال تعليق