البنيي على شكل وريدات

باسم الله مع المقادير و الكيفية
500 غرام فرينة
ملعقة اكل ديال سنيدة اي السكر بودرة
نصف ملعقة صغيرة ملح
صاشي سكر فاني
1 بيضة كاملة
1 ملعقة اكل خميرة معجونة
كاس كبير ماء دافئ
وطبعا الزيت للقلي ,و التزيين لكل ذوقه الخاص

اخواتي الكل يعرف تبارك الله طريقة عجن البينيي ولاباس من التذكير نعملو الخميرة مع السكر فشوية ديال الماء دافئ ثم نزيدو المقادير الأخرى ونزيدو الماء حتى تتجمع لينا العجينة مزيان وندلكها شوية ثم نغطيها ونخليها ترتاح 5 دقائق ونعاود نولي ندلكها مرة ثانية حتى تبدى تطرتق وحتى فالعجان الكهربائي نعمل نفس الشئ وهادا هو السر باش يجي البينيي منفوخ وما يشربش الزيت نهائيا ، ومباشرة نسرح العجينة بسم 5، 1 سم 



انا عندي هاذ الاشكال ، وكل واحدة تختار شي مريشم عندها وكيعجبها 



وعملت البينيي ديالي على شكل وردة





ثم تغطيهم وتخليه يخمر شي نصف ساعة على حساب الجو
عندي ملاحظة حيت إلى خليتو البينيي خمر اكثر من القياس غادي يتشقق ليكم أثناء القلي فردو البال 
ثم نقليه فزيت غزير وحتى هاد الدوائر الصغيرة لي يعطي لينا المرشم في الوسط كنقليها بالطريقة لي كتشوفو فالصورة لأنك مايمكنش 
ليك تقلبيها إلا بهاد الطريقة لأنها ملي كتدخل الزيت كترجع على شكل كرة ما تبقاش دائرة مسطحة 





وها البينيي ديالنا واجد ولكل وحدة الاختيار فالتزيين 





وهاهو كيف كيجي من الداخل خفيف وإسفنجي 





وهادو درت ليهم السكر كلاصي لأول زائرة ههههه والباقي خليتو عادي لأن عائلتي مختلفة الأذواق