حلوة اللوز.. شكل جلد النمر

المقادير
للعجين انا خديت 600 غ طحين + 150 غ زبدة دايبة + ماء زهر وشوية دلماء + الملونات الاصفر( أنا عملت الخرقوم دطياب) والبرتقالي والبني عملت الشكلاط الاسود
وعملت 500 غ لوز + 200 غ سنيدة مطحونين 2 مرات + الكاوكاو الابيض مطحون مرة وحدة مع السنيدة عاد محمر في كاسرولة + الكراميل 
ونمرو للطريقة

ناخدو الطحين نزيدو عليه الزبدة دايبة ونرملوه من بعد ندوزو الطحين في الغربال عاد نزيدو شي قبيصة دالملح والماء زهر وشوية دلماء ونجمعو العجين ونعملوها في الثلاجة ترتاح 20 دقيقة لازم نزيدو الملونات عاد ندخلها للثلاجة ترتاح
(انا قسمت العجين على 4 وخديت واحد لونته بالصفر والثاني خديت منه طريف للالوان الثانيين والثالث والرابع عملت بهم حليوات آخرين)
أما اللوز(طحنت ل500 غ كلها ولكن خديت غير القدر للي بغيت) و كيف قلت خلطته مع الكاوكاو للي كيتباع بلا قشرة وطحنتو عاد حمرتو وزدت الكراميل معلقة ونصف كبيرة باش جمعت الخليط كيجي مذاقه رائع

نخلكم مع الصور للي غادي يشرحو كلشي









في هاد المرحلة لازم نخدمو بالبلاستيك الغدائي حيت غادين ندورو العجين كيف ما مبين في الصورة


ندورو العجين على الوجه الثاني ونحطو الكويرات ونشكلو الحليوة كيف ما مبين

وها هي النتيجة النهائية حلوة غير شكل سمحو لي ما عملتهمش في طبق التقديم حيت ما كان عندي وقت هادو راهم سافرو مشاو لفرنسا ههههه