الجمعة، 7 يونيو 2013

اللقيمات الخليجية او العوامات السورية


المقادير

دقيق تقريبا 200غرام لي استعملت
ياغوورت طبيعي مكانش عندي استعملت بيرلي
معلقة خميرة
2معالق زيت
راس معلقة خميرة حلوى
شوية الملح
ماء دافئ للعجن



الطريقة

الخميرة دوبتها فماء دافئ مع طريطقة سنيدة وخليتها حتا طلعات
وضعت كل مكونات العجيين و درتها التعجن مع اضافة الماء الدافئ
خاصها تكون 
مرخوووووووفة بحال السفنج او اكثر و تعجن مزياااان
حتا تولي ملسااااء



نغطيوها بفيلم اليمونتير



و نخليوها 
تخمر مزيان على حسب الجو انا داتلي شي ساعة كان الجو سخون



نوجدو زلافة تكون فيها زيت و معلقة
ونديرو المقلة تسخن يكون 
الزيت غزييير



نشدو العجين بايدينا لي نكونو دهناهم بالزيت
ونمعسو حتا تخرج كويرة نهزوها بالمعلقة لي تكون مغطوسة
فالزيت و نرميو فالمقلات نتمنى تكون الفكرة وصلات حيت كنت بوحدي
ملقييتش كيندير نصور





نخليوهم يطيبو و يتحمرو بدرجة لي تتبغيو
و نديروهم فشبكة يتصفاو من الزيت



نوضعو علييهم خطوط العسل او سيرو يكون تقييل و ندريو بزنجلان و بالصحة و الراحة





ليست هناك تعليقات:

إرسال تعليق