دجاج مشوي مع البطاطس في الفرن

المقادير :

1 دجاجة محيدلها جلدة و شحمة و محكوكة بالملحة و مرقدى في الحامض و مغسولة و مقطرة و مقطعة أطراف صغار ( من الأحسن ناستعمل دجاجة صغيرة متجاوز 1kg
3 حبات متوسطة بطاطس
1 حبة كبيرة بصل
معدنوس مقطع
قليل من زيت الزيتون
ملعقة صغيرة من الموتارد
ملح
كامون
تحميرة
قليل من الإبزار
قليل من قصبر حبوب مطحون
عطرية ديال الكفتة ( ديال جهة الغرب حد كورت ، جرف الملح ، ...... )





طريقة التحضير :
نحك البصلة في الحكاكة لغليضة و نضيف المعدنوس و موتارد و الملح و الكامون و التحميرة و القصبر حبوب و الإبزار و العطرية ديال الكفتة نخلط الكل مع بعض و نحتفضو بقليل من شرمولة في الثلاجة و الباقي نشرملو فيه الدجاج و نغطيواه و نديروه في الثلاجة حتى لصباح من الأحسن يبات ليلة كاملة في هاذ الشرمولة عاد نطيبوه







في الصباح نقشرو البطاطس و نقطعوها دوائر و نشرملوها بشرمولة لي حتفضنا بها و نستفوها في مول و نستفو دجاج فوقها و نصبو عليه قليل من زيت الزيتون مكنديروش الماء تماما غير زيت مع دجاج وبصلة كتطلق لمريقة ديالها و كيطيب و كيجي ناشف 









نغطيو المول بورق السلفريزي ثم ورق األيمنيوم و ندخلوه للفرن معتدل الحرارة من يطيب نعريواه و نخليواه يتحمر من الفوق و نقدموه بالصحة و العافية