مساؤكن سعيد اخواتي نتمنى من الله تكونوا في احسن الاحوال انتوما وافراد عائلتكم
وصفة اليوم ساهلة ودغيا تتوجد وتتجي بنينة نخليكم مع المقادير والطريقة
بسم الله وعلى بركة الله
كلمار منقي ومغسول مزيان ومرقد فشوية الحامض
2 حكاك دانون مسوس او علبة كريم فريش
معلقة صغيرة كل من الملح والابزار ابيض او العادي حسب الموجود
شوية الكوزة محكوكة
معيلقة الزبدة وكاس حليب
دريس تومة محكوكة رقيقة
تناخد الكلمار ونقطعوا بلا منوصل للجناب
تنخلط كل من دانون ملح ابزار كوزة التوم نخلط كلشي مزيان
نزيد عليهم الكلمار ونخليه تقريبا ساعة مرقد
ناخد الفرن ندهنوا بالزبدة مزيان
نعمل الكلمار والخلطة تاعوا
نزيد الكاس تاع الحليب
ونشعل عليه يطيب على عافية مهيلة ومرة مرة نقلبوا باش يطيب من جميع الجوانب
هاهو حبيباتي الطبق ملي وجد قدمتوا مع شليضات وصوص مطيشة
نتمنى تجربوهم وتردوا علي الخبار
ليست هناك تعليقات:
إرسال تعليق