المقادير
فيها البصلة مشلضة ، القزبر و المعدنوس ، الحمص ، العدس ، الكرافص ، الفول ، طريفات ديال اللحم ، ( الكميات حسب الرغبة )، مطيشة ديال الحك ، و مطيشة مطحونة قبل انا شريتها جاهزة ، سكينجبير ، شوية ديال القرفة ، ملح ، ابزار ، فلفل احمر
طريقة التحضير
درت كلشي في الطنجرة
درت العطرية
زدت عليهم الماء الكافي
و خليتهم شي نص ساعة و ملي صفرات الكوكوط نقصت البوطة و خليتها تكمل الطياب على عافية مهيلة
و كل شوية نطل عليا واش طابت ولا مازال
و هنا طابت
وجدت الطحين اللي غندورو بيه الحريرة
و هنا دورتها و زدت عليها شوية ديال الشعرية و خليتها شوية فوق النار و انا كنحركها
ملاحظة : تقدروا تحطوا في التقديم زيت الزيتون بالنسبة للناس اللي ماكايبغيوهاش خفيفة
حيت انا كنديرها خفيفة بلا زيت
و هنا وجدات بالصحة و الراحة
لا تنسونا من صالح دعاءكم
ليست هناك تعليقات:
إرسال تعليق