قطع الدجاج مقلية

المقادير

صدر دجاج أو بيبي 
حليب أو ياغورت طبيعي 
فرينا 
شبلير
بيض ومطارد 
ملح وابزار 
زبدة


هاد الوصفة ممكن تعملوها عينك ميزانك حسب المتوفر
أول شيء نقطعو دجاج إلى طريفات صغيرة و نرقده في الحليب عل أقل ساعة ويمكن مكان الحليب الياغورت
من بعد نصفيو من داك الحليب ، رشة ملح وابزار
أول حاجة نفندوه في الفرينة ، من بعد البيض المخلط والمنسم بالمطارد وفي الأخير إلى الشبلير
نسخنو مقلة ندوبو فيها طرف ديال الزبدة على نار متوسطة نطيبو كروكيت الدجاج ديالنا
نعملوهم فوق ورق يشرب داك السائل الزائد ديال الزبدة
وصفتنا سهلا وسريعة ولذيذة أكيد ، نقدمها مع سلطة وبصحة وراحة
اللهم أدمها نعمة وبارك لنا فيها يا رب
نخليكم مع الصور