اول حاجة نحتاجو الكفتة انا درت ديال الدجاج وممكن نديرو ديال لداند

نزيدو عليه طريفات الكلمار مقطعين صغيورين بزاف ممكن نستعملو غير الرجيلات دياولو صافي

نزيدو عليهم كاس الروز مصلوق

نزيدو الثومة والربيع

نزيدو العطرية البزار الخرقوم التحميرة السودانية الملح

ثم نزيدو ابيض بيضة باش الكفتة تجي فتية

نخلطو كلشي مزيان

نغطيوها ببلاستيك غدائي ونخليوها حتى تشرب شوية

نخدو مقلة نديرو فيها شوية الزيت البلدية وبصلة مشلضة الملح ونقليوها شوية

نديرو العطرية شوية الخرقوم والبزار

نديرو نصف كاس الماء والكفتة بعدما نكوروها كويرات كبار شوية

غير تغلى شوية ونزيدو خيزو مقطع ومصلوق

ونزيدو شوية جلبانة مصلوقة

والزيتون بلا عظم

نسدو عليها ونخليوها تغلى وتعاود حتى تنسجم كاع العناصر فقط لان الخضر كلها طايبة والكفتة متاخدش الوقت

ملي تقرب تنشرب المرق نديرو الربيع وطريفات الحامض مصير ونخليوها حتى تمرق مزيان

وهام الطبق ديالنا واجد بالصحة والراحة كيجي لديد ومختلف على المعتاد



اللهم ادمها نعمة واحفظها من الزوال
ليست هناك تعليقات:
إرسال تعليق