بان كيك بالشكلاط

المقاديـــــــر :
2 كسان فورص، 2 بيضات، 2 كسان حليب، 4 م ك سنيدة، قشرة برتقالة، 2 خميرة ، نص معلقة صغيرة ملح ،1 م ك كاكاو.


الطريقــــة :
خلطي كلشي مرة واحدة في الخلاط الكهربائي وخليه يرتاح واحد 20 دقيقة وطيبيه في مقلاة مكتلصقش، وكل مرة دهني المقلاة بالزيت حتى تكملي بان كيك، وقدميه حسب ذوقك، أنا قدمتو محشي بكريمة الشانتيي ومزين بصلصة الشكلاط:


الحشـــوة :
علبة كريم شانتيي 100 غ + رابعة حليب بارد طربيها لمدة 10 دقائق بالطراب الكهربائي، حتى نحصلو على كريمة ، ديريها فالثلاجة تشد راسها واستعمليها.


كريمة الشكلاط:
ذوبي شوية الشكلاط مربعات فحمام مريم وزيدي عليه 2 م ك دانون مسوس+ 1 م ك كاكاو ديال لعبار.
وبالصحة والراحــــــــــــــة نخليكم مع التصاور .