مقادير العجين .
كيلو الطحين الفورص
2 معالق زيت أو جوج معالق زبدة
3 معالق الخل ، على فكرة الخل كيجب المسمن هشيش ومورق
الملح
تعجن بالماء
الطريقة
تعجن جميع المقادير وتضلك مزيان وتكون شوية خفيفة بحال عجين المسمن العادي وتدهن بالزيت ونديروهة ف بلاستيكة ونخلوها ترتاح .
مقادير الحشوة
2 بصلات مشلضين رقاق
فلفلة حلوة حمرة وفلفلة حلو أحمرا مقطعين رقاق
2 خزقات محكوكين
1 كورجية محكوكة
2 معالق مطيشة
الطون أنا ستعمل الطون الحار ولكيبغي لهريسة أديرها
التوابل ،الملح القليل من الابزر والخرقوم
بيضة لدهن
الطريقة
نديرو كلشي ف مقالات مع 2 معالق زيت حتى أتشحرو ونتبلوهم بالتوابل المدكورة وف الأخير نزيدو الطون .
هى الحشوة ديالنا واجدة
الطريقة مشروحة بالصور
ملي ترخف العجين نعملو قرصات صغار ونسمنوهم بلزبدة مدوبة ونعملوهم بحال المسمن العادي ديال ربعة وملي نكلملو الكل
ناخدوالمسمنة الولى ونبسطوهة شوية
وملي نعمرو المسمن
ونجمعوه على شكل وردة
نهزوه ونحطوه ف طاوة مدهونة وف الطاوة نحولو نبسطوهم شوية ونحلو الجناب باش تبان الحشوة
ونذنوهم بالبيض وندخلوهم الفران
وهاهومة المسيمنات واجدين بالصحة والراحة
ليست هناك تعليقات:
إرسال تعليق