اكلير بالشكلاط

مقادير لي شو
100 غ زبدة
125 مل حليب
125 مل ماء
10 غ سكر
3 غ ملح
150 دقيق
250 بيض
بيضة للدهن




تندير الما ، الحليب، الزبدة، السكر، الملح يدوب تيغلاو
نزيد خارج النار الدقيق دفعة وحدة و نحرك مزيان تم رجعها فوق النار و انا تنحرك باش تنشف العجينة مزيان
ملي تولي كرة مجموعة نحيدها من فوق النار و نبدا نزيد البيض شوية بشوية ونخلط مزيان بعد كل اضافة تنسالي
' را باين فالصور كيفاش تيولي العجين '





نديرو فالجيب ونشكلو اكلير، نديروهم يطيبو في فرن ساخن مسبقا على 200 درجة ، نهبط الحرارة ل 180 درجة و نخليهم يطيبو تقريبا 30 د ، ومنفتحش عليهم الفران نهائيا، ملي يطيبو تنحل الفران ونخليهم يبردو فيه




الحشو
اول شيء تنصاوب كاناش فيها
100 غ كريما
100 غ شكلاط اسود
تنغلي الكريما تم ندوب فيها الشكلاط، نخليها جانبا




نصاوب دابا الكريم باتسيير فيها
500 مل حليب
4 اصفر البيض
40 غ سكر
40 غ نشا
20 غ كاكاو
تندير الحليب يغلا، نخلط البيض مع السكر بالطراب اليدوي تم نزيد النشا و الكاكاو تم الحليب الغليان، نرد كلشي فوق النار ونحرك تتعقاد، نزولها من فوق النار ونزيد عليها ديك الكاناش لي صايبت ونخلط كلش مزيان ونخيها جانبا تتبرد




دابا نصاوب الكلاصاج بالشكلاط و الكراميل ' تيجي اكتر من رائع '
150 غ سكر
150 غ كريما
150 غ شكلاط
ندوب السكر تيولي كراميل، ندفي الكريما شوية، ملي يولي السكر كراميل نزيد عليها الكريما ونحرك شوية تيمتازجو مزيان
خارج النار نزيد الشكلاط ونحرك مزيان تيدوب






دابا التشكيل
تندير جوج فتحات فالقاع ديال لي شو ديال و نعمرهم بواسطة الجيب بالكريما تم نغطسليهم وجهم فالكلاصاج ، نديرهم فالتلاجة يبردو شوي و هاهوما واجدين