المقادير
6 بيضات للعجين ووحدة للتزين هي 7 البيضات
زلافة سنيدة توزن رابعة
نفس الزلافة زيت
2 خميرة
النافع الزنجلان واللوز على قياس كل وحدة فينا
الدقيق حسب الخليط تقريبا كيلو
نصف كاس زهر
كاس الكونفتير المشماش جاري نسيت مصورتوش
اناهناراني عاملة المقادير مضوبلة يعني عاملة 2 كيلو دقيق
الطريقة
نطحن البيض والسنيدة والزيت والزهر في الخلاط الكهربائي مزيان عاد خويه في القصرية ونزيد النافع والزنجلان واللوز والكونفتير والدقيق والخمارة ممكن منكملوش الكيو كامل خاص العجينة تبقى مرخوفة وهذا هو السر باش ميتشققش ويتهرس ليناالفقاص من بعد نحربلوه ونطرقوه بيدينا شوية وندخلوه الفرن بارد كناكد الفرن خاصو كون بارد وهذا هو السر 2 باش ميتهرسش الفقاص ويتشقق من الفوق يطيب نصف الطياب ونغطيوه بزيف فازق بالما مع شوية الزهر ونغلفوه ببلاستيكة ونخليوه يبات والغد نقطعوه ونرجعوه للفرن يتحمر وبالصحة والراحة نتمنى منكونش ثقيلة عليكم
ملاحظة :الى كنتو غتعملوه لشي مناسبة معليكم غير تعملو الحرابل كبار شوية وتقطعو الفقاص كبير باش يجي فن للمناسبة
ليست هناك تعليقات:
إرسال تعليق