مادلين بالتفاح

نحتاجوا ل : 

100 غ الدقيق
100 غ زبدة دايبة
2 بيضات
70 غ سكر سنيدة
8 غ خميرة دالحلوى انا درت ساشي واحد
2 تفاحات منقيين و مقطعين جوانح انا حيت عندي صغار درت 3
50 غ سكر كلاصي





نقطع التفاح جوانح رقيقة ونديروه في مقلة مفرشة بورق الزبدة وندردروا عليه سكر كلاصي و ندخلوه للفرن باش يتعسل ما يفوتش 5 دقايق في الفرن 








في هاد الاتناء نطرب البيض مع سكر سنيدة مزيان عاد نضيف له الزبدة مع التطريب تم نضيف المواد الناشفة الطحين و الخميرة و نخلط الكل 





نصبو الخليط ديالنا في كويغطات المادلين وضروري نديرو 2 وحدة فوسط وحدة او القالب الخاص بمادلين مدهون بالزبدة غير ما نعمروش القالب بزاف نخليو ليها المكان فاش طلع ونستفو فوقهم التفاح لي فايت لينا عسلناه في الفرن و دابا نخليكم مع الصور







و ها هو مادلين ديالنا واجد