طارت منعشة

المقادير ديالها ان شاء الله
250 غ دقيق
125 غ زبدة باردة
قبصة ملح
شوية سنيدة
بيضة
خميرةماء بارد لجمع العجين


نخلطو النواشف من بعد نعملو الزبدة و نبسبسو الدقيق مزيان عاد نضيفو الما جهد لي جمع لينا الخليط

نعملو العجين ف بلاستيك غدائي و نحطوه ف التلاجة يرتاح شي 30 دقيقة


نخرجو العجين و ندلكوه بالمدلك فوق سطح مرشوش ب الدقيق و نعملوه ف المول و نتكوه ب الفرشيطة


انا عملت ورق الفرن و حتيت فوقو العدس او اللوبيا باش ميتنفخش لينا العجين وندخلها للفران طيب نص طيبة


من بعد كنحيد ليها الورق اللي فرشت ليها ونخليها تحمر من الوسط
لتحضير الكريمة : 

نصف لتر حليب 
2 معالق كبار غبرة الباتيسيير 
3 معالق كبار حتى ل 4 ديال سنيدة
و قشور حامض و ليمون محكوكين


نعملو الحليب و الباتيسيير و السنيدة و قشور الليمون مع بعض نحركو مزيان عاد نحطوه فوق العافية حتى يعقاد

ملي يبرد شويا نحتوه فوق العجينة لي طابت و نزينو باش بغينا انا عملت شكلاط


بالصحة والراحة