لكرص معمرين كيجيو زوينين وبنان وساهلين ومكيخطاونيش خصوصا في رمضان ممكن تعمرهم بالكفتة أو بالهبرة دجاج أوبيبي أو الكبدا يعني لمجود عندك أنا عمرتهم بالهبرة ديال الدجاج
كنحتاجو فيهم للعجين 2 كسان دقيق +2 معالق زين +معلقى صغير ملح
كنعجنوها ونخلوها ترتاح نمشيو نوجدو لعمارة كنحتاجو 2 بصلات +شوية ربيع +250 غ هبرة دجاج +شوية الزيت +الملح +طحميرة +الخرقوم +لبزار +سكنجبير ونحطوهم يطيبو 
من بعد مطيب ناخدوا الشعرية الصينة من بعد مرطبناها كنقطعوها ونخلطوها مع البصلة والدجاج 
من بعد كناخدو لعجينة ونعملوها كويرات صغار بحال لبين في الصورة
كنبداو نورقوا الكورة ونعمروها ونعملوها على شكل كرص
ومن بعد متكملي الكمية لعندك ندخلوهم للفران
هدي صورة لهم وهما في الفران شوفو كمنفوخين كيجيو زوينين وممكن تدهنيهم بالبيض إل بغيتي أنا مكنديروش غير هيا أنا عندي مشكيل في الفران ميشعلش ليا من لفوق هاد شي علاش قلبتهم باش يتحمرو من لفوق
ليست هناك تعليقات:
إرسال تعليق