الآن مع التفصيل
2 كيلو طحين زرع (حبوب القمح هي لي كتحمر عاد كطحنوه)
كيلو ديال لوز محمر فالفران ناخدو منو قيمة زلافة مهرمش والباقي يتطحن مزيان
كيلو ديال الزنجلان محمر ومطحون مزيان وشوية نخليوه صحيح
زبدة دايبة (على حسب الخليط وكل واحد كيف كيبغيه ) تقريبا كيلو
سكر كلاصي (حسب الحلاوة لي بغيتو ولكن نتابهو أننا غنزيدو لعسل)
2 ملاعق كبار قرفة
200 غرام زريعة الكتان مطحونة
مسكة حرة طحنتها مع شوية سكر كلاصي
2 ملاعق كبار حبة حلاوة
3 معالق كبار نافع بلدي
العسل (على حسب الحلاوة لي بغيتو)
الطريقة
أول شيء كنغربلو الطحين
كنخلطو المواد الناشفة كلها
وكنزيدو عليهم الزبدة والعسل بشوية وحنا كنخلطو حتى كنحصلو على القوام لي بغينا لا من ناحية الإدام ولا من ناحية الحلاوة
وهذا الشكل النهائي
صورة مقربة
جربوه را ما شاء الله بنين
ليست هناك تعليقات:
إرسال تعليق