سفوف أو سلو وبالصور

المقادير
2كغ طحين محمر

2كغ جنجلان منقي ومحمر ومطحون مزيان

كغ اللوز مفسخ و مقلي ولا نعملو فيه شي 2معالق الزيت وندخلوه لفران سخون ونبقاو نحركو باش ما يتحرقش راه نفس النتيجة ومطحو غير شوية يبقة شويية غليض باش مني تبداي التاكلي يجي كروكو في الفم
هادي تصويرة اللوز مقلي

وهادا اللي دخلتو الفران

[FONT="Comic Sans MS"]1/4 كركاع محمر في الفرن ومطحون
زلافة النافع البلدي مطحونة

كوزة محكوكة
1كغ سكر كلاصي
2كغ الزبدة مدوبة وتخليها حتى تجمد في التلاجة وتزولي منها الحليب باش ما يخصؤش لنا السفوف ديالنا

حك العسل اللي فيه تقريبا 900غ
شوية من زيت اللي قلينا فيه اللوز
2معالق القرفة مطحونة
شويية الملحة

نخلطو اللوزالكركاع+الجنجلان

من بعد نضيفو الجنجلان والطحين+ السكر+القرفة+الكوزة+النافع+ملحة

نزيدو شوية زيت اللي قلينا فيه اللوز من بعد نبداو بإضافة الزبدة شوية بشوية مدوبة مع العسل وحنا تنضيفو في الزبدة وتنحكو بإيدينا باش التكوار مايبقاش وينساجم الكل

من بعد هادي هي المهمة نأخدو غربال و نقلبوه ونحكو مزيااان باش تكوار مايبقاش



وهاهو وجد لنا السفوف ديالنا