فلان خفيف و سااهل

المقادير

حليب، زوج بيضات ( على حسب الاشخاص اي بيضة وحدة للكاس) ، و 2 معالق ديال السكر و ساشي ڤاني
كنعبرو الحليب على حساب الكيسان لي غادي نطيبوهم ومنعمروهمش بزاف على حساب البيض والسكر

كنحركو السكر حتى يولي كراميل ونكبوه في الكيسان ونخليوهم على جنب

وكل كاس نديرولو 1 بيضة و1 م ك سكر
كنخلطو الكل ونضيفولهم 1 لفاني

ونزيدو عليهم الحليب فايض ونخلطوهم

من بعد نكبوهم في الكيسان

ونغطيوهم بورق الالومينيوم ونوضعوهم في مقلة

ونضيفولهم الماء غليان ونديروهم فوق عافية متوسطة ونخليوهم حتى يطيبو
وهاهو منين طاب

ونخليوهم يبردو مزيان في الثلاجة
و ها هو عند التقديم