ضامة البنة في دارك

المقادير:

150 غ جزر 

150 بصل

150 كرافس

150 لحم غانمي وإلا بغيتو ديال دجاج عملوا 150 غ دجاج 

150 ملح خشن 

150 غ ماء ، الماء نعبروه في الميزان بالغرام 

150 غ مرددوش أو حبق (للأسف نسينا ما شريناهم)

الطريقة سهلة بزاف ، نقطعو كولشي لمربعات صغيرة ، ونجمعو كلشي في طنجرة ، الماء والملح والخضر واللحم ونردوهم فوق العافية عادية غي يغليو ونقصوا العافية للحد بحالة طافية ونحسبو ساعتين 

المهم مرة مرة نطلو عليه منسوهش ، نسيت حاجة ، إلا كين شي عضم كدلك ممكن نزيدوه معاهم حتى الأخير ونحيدوه 

في هاد الصورة من بعد ساعة 

هنا من بعد ساعتين ، صافي نطفو عليه 

نطحنوه ، أنا ستعملت غي هادي عملية وسريعة ، ممكن طحنه فش ما بغيتو 

دبا عندكم إختيار ، يا تعملوه في قوالب الثلج ومن بعد ما يتجمدوا تعملوهم في بلاستيك وتحتافضو بهم في الفريجو 

أو تعملوهم في قرعة ديال الزجاج معقمة وتغلوهة في طنجرة فيها الماء لمدة 20 دقيقة وتكتبوا التاريخ وتحتافضو به في أمان 

تم بحمد الله ، ممكن تزيدوه في طبخ ديلكم مكان داك كنور المسموم ديال زنقة ، بصحة وراحة 

لا تنسونا من صالح الدعاء 

​ملاحظة مهمة : من أحسن منزيدوش الملح مع الأكل عند إستعمال الوصفة حتى الأخير ، ندوقو ونعدلو في المداق على حساب الدوق